Sorkar thuchhuah tarlan danin, North Eastern Council thuneihna tihpun chungchang te leh project hrang hrang chungchang te an sawi a. Jyotiraditya Scindia hian DoNER hnuaia project hrang hrang te enfiah turin Mizoram a lo tlawh vat tur thu a lo hrilh a, Kaladan Multi-Modal Transit Transports Project pawh a hmunah ngei a tlawh a tum tih a lo sawi a ni.

Chawhnu khan Chief Minister Lalduhoma hian Bhupender Yadav, Minister of Environment, Forest and Climate Change chu a pisa ah a hmu bawk a. Mizoram chhunga project hrang hranga Forest Clearance hmuh theihloh avanga harsatna awmte leh a chinfel dan tur kawngte an sawidun. Environment Minister hian harsatna awm te chu chinfel pui vat a lo tiam a ni. 

Chief Minister hian Forest Clearance hmuh loh chungchanga Mizoramin a tihtur thil la awmah te hma lakna chak zawk a awm theih nan meeting koh vat a tum a ni, tiin an tarlang.